कसरी बन्नु, र बनिरहनु 'फूल' ?

'फूल' देख्नलाई
पहिलो र अन्तिम शर्त
यो हो कि
तिमी आफैँ 'फूल' हुनुपर्छ

र सँधैभरि
'फूल' भइरहन...
गार्हो छ !

आँखा लाइदिन्छन्
खुट्टै लाइदिन्छन्
अनाहकमा 
प्याच्च थुकिदिन्छन्
यहाँसम्म कि 
मलमुत्रले
फोहर पारिदिन्छन्

ख्यालख्यालमा
नजिकै आएर
माया जताए जस्तो गरी
मनपरी चुँडिदिन्छन्, 
छाँटिदिन्छन्
लतारिदिन्छन् पत्र- पत्रमा
छरिदिन्छन्

कसरी बन्नु, र बनिरहनु

'फूल' ?

कुरोको चुरो

गाइगोरुलाई 

लगाए जस्तो तगारो 

लाएर चल्दैन जेठा 

यी कान्छाहरु 

बाठा भैसके अब 

जेठाहरुको मति देखेर